كيف تزبطي شب أردني
أول طبخة لازم تتعلميها هيه المنسف,مابدها اشي راسين جميد وطب طخ وألا هو جاهز
إذا عصب (وهذا هو الوضع الطبيعي!!) الموضوع سهل قطعتين قطن بآذانك وأجمدي ...أهم اشي ماتضحكي ولا ابتسامه مشرقة ولاصفرا مش حلوة بعد هلعمر تحطي طقم سنان بدل الي راح..... أجمدي وبس
إذا ضحك..(جد يعني ممكن لاتستغربي .. ممكن يضحك).. ابتسمي بكفي ابتسامه ولاتضحكي بصوت عالي لانه بقلبها توتررررررر
وأنت ماشية معاه بسوق:
1* عيونك بالارض
2* لازم تكوني ملثمة
3* مين مابضحك معك اجحريه
ديري بالك تاخدي وتعطي مع البايعين وعشان هيك يفضل تشتري من (ضراغمه) لابتاخدي ولا بتعطي
بفترة الخطبة: قد مابتقدري كتري من سوالف( يالله عمتي [الي هيه حماتك] مأحسنها.. يألله اختك شو كويسة.. يألله شونفسي أذوق عمي[ حماكي] من طبخي.. وزي مابدك .. واعمل الي بريحك..)
يا سلام جد بتعيشي معاه بهنا وخصوصا إذا زبطتيها قدام أهله
عشان تزبطي شب اردني كح بجامعه المطلوب:
1*كوفيه حمرا
2* دفاترك كلها عليها شعار (الاردن أولا)
3*كوني ستايلش لحد ماتزبطيه بعد هيك خففي من حدة الفاشن تبعك .. أريح لراسك!!
4* احكي قدامه انه لما تتجوزي حابة تقضي شهر العسل بالعقبة( ع أساس بتشجعي السياحة الوطنية)
5*إذا كان سلطي أحكيلو نسايبنا سلطية وإذا عجلوني أحكيلو جارتنا أم عقاب من عجلون وإذا مادباوي احكيلو بنت خالتها لدلال بنت ابو مصطفى النجار الي بأخر الشارع أخدت واحد من مادبا.. جد بنبسط وبصير بينكم لغة حوار
وهيك بتكوني زبطتيه و الف مبروووك على النكد اللي جايلك
موضوع: funny very funny 
الأربعاء مايو 13, 2009 10:45 am